Welcome to the Doctors' Portal
00:00 Sunday
Mediclinic News : SIEKFONDSE WIL DOKTERS EN HOSPITALE TAKEL

Title

SIEKFONDSE WIL DOKTERS EN HOSPITALE TAKEL

Date

2019-03-03

Link

News Description

RAPPORT Die meeste van die land se sieke fondse het Vrydag 'n pakt onder teken om saam dokters, hospitale en ander diensverskaffers vas te vat oor "bedrog, vermorsing en misbruik" wat siekefondslede glo tot R30 miljard per jaar kos. Die bedryfshandves is egter geboikot deur die land se dokters, hospitale en apteke wat genooi is om dit te onderteken. Trouens, die Raad op Gesond heidsberoepe (RGB) wat die meeste gesondheidswerkers reguleer, het nie opgedaag vir die kongres van die Raad op Mediese Skemas (RMS) waar die handves gefinaliseer is nie. Die RGB is die enigste liggaam wat teen dokters kan optree indien hulle etiese oortredings met rekeninge en dienste begaan. Dr. Raymond Billa, uitvoeren de hoof van die RGB, het by na vraag aan Rapport gesê hy was "te besig" omdat hy onlangs eers aangestel is en nog sy voete vind. Die RGB het ook geen plaasvervanger in Billa se plek gestuur om aan enige van die gesprekke deel te neem nie. "Daar is geen verborge rede waarom ek nie daar was nie. Ek het aan (dr. Sipho Kabane, uitvoerende hoof van die RMS) gesê die RGB ondersteun pogings om bedrog, vermorsing en misbruik uit die gesondheidstelsel te haal," sê Billa. Die Hospitaalvereniging van Suid-Afrika sou volgens die program deelneem, maar was ook nie daar nie. Die Suid Afrikaanse Mediese Vereniging (Sama), wat sowat 17 000 dokters verteenwoordig, was wel by die kongres, maar het geweier om die handves te onderteken voor verdere raadpleging met sy lede. Dr. Mvuyisi Mzukwa, ondervoorsiter van Sama, het by herhaling beswaar gemaak oor die "narratief van die kongres" dat dokters be drieërs is en oneties optree. Bose kringloop Barry Childs, 'n lid van die Aktuariële Vereniging van Suid Afrika, het gesê die rolspelers sal hill verskille moet uitstryk omdat vermorsing, bedrog en misbruik die publiek baie duur te staan kom. Hy sê die vermorsing lei tot 'n bose kringloop waar premies aanhoudend styg, lede na goedkoper planne skuif omdat hulle dit nie kan bekostig nie en dat dié afgraderings weer jaarliks almal se premies met een of twee persentasiepunte méér laat styg. Daar is 'n groter kloof tussen diensverskaffers en fondse as ooit tevore. Childs sê die verhouding was in die dekades wat hy in die bedryf gewerk het nog nooit so gespanne soos nou nie. 'n Hooggeplaaste van die RMS het aan Rapport gese hulle gaan deurdruk met eensydige hervormings van die private gesondheidsbedryf met of sonder die diensverskaffers aan boord. Die eerste opsie wat op die kongres bespreek is, is gedeelde inligting tussen mediese skemas. Só 'n benadering sal siekefondse in staat stel om te weet of hul lede dalk vroeër by 'n ander fonds bedrieglike eise ingedien het. Diensverskaffers wat tendense van misbruik of vermorsing toon, kan deur gedeelde inligting geïentifiseer word. Dr. Eugene Burger, hoof van eise-risiko by die administrateur MMI en self 'n mediese praktisyn, het gesê gedeelde inligting kan waardevol wees om bedrog en onreelmatighede uit te wys. Maar die gedeelde inligting moenie as 'n soort Loerbroer ingespan word om diensverskaffers te teiken of hill behandeling aan bande te lê nie, het hy gesê. "Die vraag wat ons moet vra, is of ons etiese praktisyns eties hanteer. Of is ons besig om hulle te teister met beuselagtighede?" 'Handskoene verdag?' Tydens teepouses het dokters voorbeelde genoem van mediese skemas wat ondersoekers na hulle stuur omdat die hoeveelheid latex-handskoene wat hulle in die praktyk gebruik "verdag" is. Ander sê die siekefondse maan hulle selfs indien hulle "te veel" van 'n sekere medikasie voorskryf. Die tweede groot hervorming in die handves verklaar dat private gesondheidsorg nie aan vryemarkbeginsels oorgelaat kan word nie en dat die huidige geld-vir-diens-model verander moet word omdat dit belangebotsings veroorsaak. Die handves stel bykomende regulering voor om die mediese koderingstelsel te standaardiseer en beter te beheer. Die verskillende koderingstelsels bevat die tienduisende moontlike items waarvoor 'n diensverskaffer geld mag vra. Dr. Olurotimi Modupe van die RMS se kliniese eenheid het gesê die laaste hersiening van die nasionale verwysingspryslys wat die algemeenste gebruik word, was in 2006. Die siekefondse wil ook saam staan om sogenaamde wysigers eenvormig te hanteer. 'n Wysiger verhoog of verlaag die tarief wat 'n dokter mag vra vir dieselfde prosedure. Dokters vra byvoor beeld 50% meer vir enige chirurgiese operasie op 'n pasient met 'n liggaamsmassa-indeks van meer as 35. Skemas beweer daar is misbruik van wysigers en kodes om meer geld te kry. Dié geveg tussen dokters en siekefondse ruk pasiënte se sak omdat 'n fonds dikwels meen 'n prosedurekode is nie geregverdig nie en gaan nie betaal word nie terwyl die pasiënt steeds die rekening moet betaal. Bedrog, alknouery uitgewys Die beraad het skokkende voorbeelde van bedrog gehoor: • 'n Psigiater het else ingedien vir 491 ure se werk op 'n enkele dag. • Sommige diensverskaffers het 'n winsmarge van 700% tot 1 500% op gehoorapparate geplaas. 'n Apteek wat kwansuis R80 000 se medisyne per maand verkoop het, het net vyf produkte op die rak gehad toe die siekefonds se ondersoekers daar opdaag. Ander voorbeelde wat geopper is, was minder klinkklaar: 'n Kardioloog is uitgewys vir "onreelmatige gedrag" omdat hy vir 48% van sy pasiënte angiogramme gegee het terwyl die "norm" sowat 25% is. Nog 'n spesialis is getakel om dat hy of sy 33% van sy pasiënte in hoesorgeenhede laat opneem het. Siekefondse sê dit behoort nader aan 8% te wees. Marius Smit, forensiese hoof by Discovery Health het in sy voor legging gesê bedrog, vermorsing en misbruik bedreig die lewensvatbaarheid van siekefondse. Hy sê Discovery se premies sou 14% meer moes wees as tans indien Discovery nie die afgelope paar jaar vermorsing en misbruik gemonitor het en dit by diensverskaffers teruggeëis het nie. Sama sê egter sy lede word geboelie om soms maar geld terug te gee vir die siekefondse al het hulle niks verkeerd gedoen nie, want anders weier die fonds om enige ander eise te betaal. Ander rolspelers het verwys na die "ironie" dat die RMS die voog van die handves is en die kongres gereel het terwyl die RMS self ondersoek word deur die spesiale ondersoekeenheid (SOE) weens beweerde bedrog en korrupsie. Kabane het egter gesê daar is niks ironies hieraan nie, want die RMS het self die SOE gevra om te kom ingryp omdat hy ernstig is om korrupsie uit te roei.
Created at 2019/03/11 09:11 AM by Mediclinic
Last modified at 2019/03/11 09:11 AM by Mediclinic